2023ko Enpresen Lasterketan parte hartzeko izen-emateak itxi dira. Guztira, 644 taldek hartuko dute irteera datorren igandean, maiatzaren 14an. Proba honen 14. edizioa izango da, eta urtero ospe handiagoa duena. 644 taldeetatik, 357 talde mistoak dira, 235 gizonezkoak eta 52 emakumezkoak. Aurtengo nota positiboenetako bat emakumeen parte-hartzearen hazkundea da, guztizkoaren ia % 40. Talde gehien inskribatu dituzten enpresak Donostialdea ESIa (21 talde), Tecnalia (18 talde) eta CAF (14 talde) izan dira.
Premium izena emateko modalitatean ere erantzuna oso ona izan da eta dagoeneko 12 enpresa daude baieztatuta: Tecnalia, Orona, Irizar, Dinuy, Transnatur, Donostiako Sustapena, Alkain, Odol Emaileak, OKIN, BBVA, TAAV eta Decathlon.
Lasterketa EL DIARIO VASCO, Donosti Eventos eta Adegik antolatu dute, eta Laboral Kutxa da probaren babesle nagusia. Norgestión, Salto System, Lurauto, Super Amara eta Coca Cola izango dira, aurten ere, lasterketaren babesle ofizialak.