Donostian ospatuko den Enpresen lasterketaren 8. Edizioa maiatzaren 10ean, igandea, izangoda. El Diario Vasco, Donosti Eventos eta Adegik antolatzen duten ekimen honek urtero arrakasta du bere proposamen originalari esker. Enpresa edo elkarte bakoitzak lau pertsonekin hartzen du parte. Bai langileak eta baita arduradunak ere talde berean tartekatzen dira. Helburua, lau partaideek ibilibidea elkarrekin betetzea eta helmugan guztiak batera sartzea da. Hori da erronka…

Ibilbidea iazko bera izango da, irteera eta helmuga Alderdi Ederreko lorategietan izango direlarik. Perfila laua izango da eta Donostiko hiru ondartzetatik pasako da: Zurriola, Kontxa eta Ondarreta. Hiru maila desberdin mantentzen dira: gizonezkoa, neskena eta mixtoa. Joan den edizioan 270 talde izan genituen, hauen artetik 126 mixtoak izan ziren. Aurtengo helburua 300 talderen muga gainditzea da. Izen-ematearen prezioa 80 eurokoa (+BEZ) izango da talde bakoitzeko eta izena emateko epea lasterketa baino bi hilabete lehenago irekiko da ofizialki: martxoaren 10ean. Aurtengo berritasun nagusia: talde bakoitzak txipa eramango duela. Izen emate guztiak web honen bitartez egin behar dira eta epea maiatzaren 1ean amaituko da.