11. Enpresen Lasterketa berriz I68 Taldea izango du babesle. I68 taldea enpresa multzo batez osatuta dago, eta helburu du Kudeaketaren Berrikuntzarako Produktu Informatikoak sortzea (ERP).
Beraien I+G+b arloko eta ekoizpeneko taldeak elkarlanean aritzen dira bezeroei haien enpresak kudeatzeko software-tresna berritzaileenak eskaintzeko. Ezartzeko eta laguntzeko Lean metodologiak erabiltzen dituzte, proiektuak errekorrezko denboran amaitzeko.
Industria, banaketa edo zerbitzu arloko enpresak izaten dira bere ohiko bezeroak, 3 eta 100 miloi-€-ko fakturazioa dutenak.
Euskal Herrian dute jatorria. Hemen hazi dira eta hemendik eman diete zerbitzua Espainia, Portugal, Frantzia, Mexiko, Serbia, Txina, India, Txekiar errepublika, AEB eta beste hainbat tokitako enpresei.
Antolakuntzatik eskerrak eman nahi diegu ekimen hau aurten ere babesteagatik.